کراچی میں رمضان کے دوران گیسٹرو کے مریضوں میں نمایاں اضافہ

 

جناح اور سول اسپتال میں ایک ہفتے میں 700 سے زائد کیسز رپورٹ، ماہرین کا افطار میں احتیاط برتنے کا مشورہ

رپورٹ، جستجو نیوز
تاریخ، 27 فروری 2026، جمعہ

 

Karachi میں ماہ رمضان کے دوران گیسٹرو کے کیسز میں اضافہ دیکھنے میں آیا ہے۔ اسپتال حکام کے مطابق Jinnah Postgraduate Medical Centre اور Civil Hospital Karachi میں گزشتہ 7 روز کے دوران گیسٹرو کے 700 سے زائد کیسز رپورٹ ہوئے ہیں۔

اسپتال انتظامیہ کا کہنا ہے کہ مریض الٹیاں، موشن، بخار، معدے میں تکلیف اور تیزابیت جیسی شکایات کے ساتھ رجوع کر رہے ہیں۔ طبی ماہرین کے مطابق رمضان میں غذائی عادات میں اچانک تبدیلی، غیر معیاری یا باسی اشیاء کا استعمال اور تلی ہوئی خوراک کی زیادتی معدے کے امراض میں اضافے کا باعث بن سکتی ہے۔

ماہرین صحت نے شہریوں کو مشورہ دیا ہے کہ افطار میں تلی ہوئی اور مرغن اشیاء سے گریز کریں اور سادہ، متوازن اور تازہ غذا کا انتخاب کریں۔ ڈاکٹرز کا کہنا ہے کہ پانی کا مناسب استعمال اور حفظان صحت کے اصولوں پر عمل بھی گیسٹرو سے بچاؤ میں اہم کردار ادا کر سکتا ہے۔

طبی حلقوں نے خبردار کیا ہے کہ علامات کی شدت کی صورت میں فوری طور پر مستند معالج سے رجوع کیا جائے تاکہ پیچیدگیوں سے بچا جا سکے۔