گوادر پورٹ پر تجارتی سرگرمیوں میں تیزی، عالمی شپنگ کمپنیوں کا اعتماد بحال

 

گوادر پورٹ پر تجارتی سرگرمیوں میں تیزی، عالمی شپنگ کمپنیوں کا اعتماد بحال

کارگو جہازوں کی مسلسل آمد، بندرگاہ کی اسٹریٹجک اہمیت اور سرمایہ کاری کے مواقع میں اضافہ

پیر، 6 اپریل 2026
رپورٹ: جستجو نیوز

گوادر پورٹ پر ایک اور کارگو جہاز MV Reva Glory 11 ہزار 629 میٹرک ٹن سامان کے ساتھ پہنچ گیا، جس سے تجارتی سرگرمیوں میں مزید اضافہ ہوا۔

وزیر بحری امور Mohammad Junaid Anwar Choudhry نے بتایا کہ گوادر پورٹ پر بڑھتی ہوئی کارروائیاں اس کی اسٹریٹجک اہمیت اور عالمی معیار کے مطابق بندرگاہی نظام کی ترقی کا واضح ثبوت ہیں۔

انہوں نے کہا کہ کارگو جہازوں کی آمد میں اضافہ سرمایہ کاروں اور شپنگ کمپنیوں کے اعتماد کی بحالی کی نشانی ہے اور حکومت بندرگاہ کی سہولیات کو مزید مؤثر اور فعال بنانے کے لیے اقدامات کر رہی ہے۔

وزیر بحری امور نے مزید کہا کہ گوادر پورٹ خطے میں ٹرانزٹ اور ٹرانس شپمنٹ کے لیے ایک اہم مرکز بنتا جا رہا ہے اور اسے عالمی معیار کے میرین گیٹ وے میں تبدیل کرنے کے لیے مکمل عزم کے ساتھ کام جاری ہے۔

تجزیہ کاروں کے مطابق گوادر پورٹ پر بڑھتی ہوئی تجارتی سرگرمیاں نہ صرف پاکستان کی معاشی اور تجارتی پوزیشن مضبوط کریں گی بلکہ خطے میں اس کی اسٹریٹجک اہمیت بھی مزید بڑھائیں گی۔